حادثة العلم بجندوبة

سلام

تفيه عى الجرذان ...تفوووووووه على مناظرهم نفر نفر

البارح داخل للدار اختي الصغير قاتلي اجري جماعة بولحية نحاو العلم و طيشوه ... ما فهمت شي الرسمي حليت الفايس لقيت الفيديو هذا :

و الله قعدت باهت ... انسان او بالاحرى مخلوق يطلع فوق بناية و ينحي علم تونس و يطيشو بكل حقد و غل وراه و يحط علم طالبان و القاعدة زعمة زعمة راية التوحيد .... مع تكبير البعض و استحسانهم... الحمد لله انو ثمّ وطنيين طلع واحد منهم و رجع العلم مع تصفيق و استحسان بعض الحضور زادة.

نعرف بحكم الدراسة غل بعض الاسلاميين المتعصبين على العلم التونسي بدعاوي في نظري تافهة برشة ليست للذكر حفاظا على الذكاء البشري... الجيش التونسي المرابط على الحدود و أفرادو المشهود لهم بنكران الذات يقومو بالدفاع عن الوطن و مستعدين باش يضحيو بارواحهم من اجلنا احنا التوانسة باش نرقدو في اليل مرتاحين مطمانين يقوم جرد يدنس العلم...

ايامات الثورة..ثورة الكرامة و الخبز و الحرية اترفعت الراية التونسية .... فقط

اعتصامي القصبة  1 و القصبة 2 في العاصمة  و صفاقس و مدن اخرى كان العلم التونسي رايتو مرفوعة ...

لعنة الله على الجرذان

عملت دورة بين عدة باجات في الفايس بوك...بعض عقلاء الملتحين اتهمو السيد إلّي دنس الراية الوطنية بالهبل و الحمق و التهور...و النس إلى كبرت و استحسنت؟ غلطوهم؟ و قريت كومنتارات مضحكات مبكيات تقول الجماعة متربية عند طالبان و القاعدة ... نفص خطاب الصهاينة وقت صهيوني يقوم بعمل اجرامي يقولو عليه مجنون و حادثة حرق المسجد الاقصى و مذبحة الحرم الابراهيمي اكبر دليل على هذا الخطاب

مانيش باش نحكي على السواد الاعظم لبولحية المتطرف إلّي ساندو العمل هذا و اعتبروه غزوة – جهل حقيقي – و بداية ثورة اسلامية – اسمع يا سيدي - ... ملاّ ضرب يا بو قلب

العلم التونسي وقع تبنيه سنة 1831 ليكون مشابها لعلم الخلافة العثمانية و بقى ايامات الاستعمار الفرنسي و وقع تبنيه بعد الاستقلال و الاشارة اليه في دستور 1959 في الفصل الرابع, العلم متاعنا عندو تفسير 

لكل مكوناته :

ولذلك تفسير:
اللون الأحمر: يدل على دماء الشهداء دفاعاً عن الوطن،
اللون الأبيض: يدل على السلام والأمان،
الهلال: يدل على الانتماء العربي،
النجمة: تدل على قواعد الإسلام الخمس.

القاء العلم الوطني على الارض بتلك الطريقة اهانة لدماء الشهداء و عدم اعتراف بالانتماء العربي و رفض

 للاسلام .... لكم الحكم