سلام
يحكيوْا على جماعة عاملة في روحها قرّاية, أما كي تجي تشوف من ناحية أنّهم موش قرّاية راهم موش قرّاية, و كان تشوفهم زادة من ناحية أنّهم قرّاية, راهم يجبدوا بيك و يطلعوا موش قرّاية, يعني بالعربي أمورهم تنقنق.
ما نطولش عليكم, سي الجماعة هاذم فيهم واحد, بالمعني الباهي بالطبيعة, ليوم قرر ينتحر, لكن بعض الديتاي كانوا ناقصينو, وبما أنّو يقولولو مسيو كاستيون, طاح يسأل فيهم إخوان مسلمين على إخوان كفّار, من كل الإتجاهات الطائفية و العرقية و الخشبية و المريخية و الإلترا فيولية و الإنفراروجيّة تي حتّى جماعة البلوتوث طاح يسأل فيهم
حاسيلو ليزنفورماسيون توّا الكل معاه...
من وسائل الإنتحار, حسب الإخوة الساتانيك هي إلقاء بالنفس من أعلى مكان, لأنّو الواحد كان قفز ماقاش ثمّ مجال باش يتراجع, يعني يبيّن رجوليتو على قاعدة, قدّم و ما وخّرش...
الإخوة المسلمين استحسنوا الفكرة.. وزادوا نصحوه باش يقرا سورة و إلاّ ثنين وهوّ هابط..و يعلن التوبة و النّدم على فعله المشين, آفاك سات فصّون, يعتبر تائب و الجنّة و نعم المصير...
و لأوّل مرة في التاريخ..الإخوة الزبراطة يوافقو الإخوة المسلمين الرأي وزادو نصحوا الأخ المنتحر الحي باش يعمل بلعة هيّ بيدها قبل ما يجمبي, ويعلن التوبة في طريق الوصول إلى الأرض...لأنّو الجنة ماهي مضمونة لحتّى واحد, وثمّ إمكانية أنّو يمشي لجهنّم حتى بعد إعلان التوبة, دونك ما فيها باس.
هوني جماعة الفيمينيست تدخّلوا, و أعلنو بأنّو موش معقول العملية هاذي تتنفّذ بدون المشارك النسائية لكنّهم مالقاوش مطّوعة حيت المسؤول الأول على جماعة في السرير بعد نصف الليل طلب أنو يتم تصوير الأخ المنتحر الحي و المتطوعة مع بعضهم في السرير بعد نصف الليل, و التوبة تمسح كل شي, مشكلة المتطوعة كانت في نوع الكاميرا, تحبها كاميرا في هاش آس موش نوميريك, النوميريك يظهّرها سمرة برشة..حاسيلو الوضعية تتحل في غضون الساعات القليلة القادمة.
هوّا لوكان تجي ترا, عندها حق, ليلة كيف هاذي ما تتعاودش: مرة في لعمر و لازم ياخذو براي الطفلة...,بنية بكر يقولو...
من غير ما نزيد في التفاصيل, المنتحر الحي أستحسن الفكرة, و قرر أنو العملية هاذي تكون علنية بحضور المسهولين بكلّهم من كافة مناطق التونيزي مع استعمال الويكلو مع القنوات التلفزية شماتة فيهم و خصوصا قناة باعث القناة...
و كيف الأمور تزيد تتوضح ... نشيّخكم
Aucun commentaire:
Enregistrer un commentaire