سلام
كيما قلتلكم قبل, كي ناخو بليس دانفورماسيون نكمللكم هاكي الحكاية البيدونة.
بفضل من الله و نعمة منه, تمكنو الإخوة متاع على السرير بعد نصف الليل من الحصول على هاك الكاميرا الفي هاش اس, تسللفوها من عند المنصف كحلوشة,نسيتوه؟ انزل هنا تو تتفكر, برجوليّة نشهدلو, طلع وليدها...
الأمور متاع المنتحر الحي تنفنفت, و زيد المتطوعة الفيمينسيت طلعت موش دونية, هكّة الكريمة يا ميمة و برّا....يرّاني حتّا آنا نولي نعاني كيفو
وهوما شادّين الثنية للعمارة العالية, موش متاع بنزرت, خمم وخيّنا المنتحر في روحو انو شنو باش يصير كيف يجبد بيهم, دبّر طفلة قنبلة عدا بيها ليلتو, باش يعمل بلعة قد قد بلّوشي, ويولّي أوّل واحد وفّق الكلمة بين الإخوة المسلمين و الكفار و الملحدين.... فكرة كبشتلو في مخّو بالباهي...
وهوما فوق العمارة, الزبراطة جابولو ما لذّ و طاب من البيرة و الخمور المعتّقة, تقول هاك النوّاس لوكان جا حاضر لأنشد يقول:فاسقني حتى تراني أحسب الديك حمارا. و لأنشد الساهر زيديني خمرا زيديني و لأعلن العوني و زملاؤه التعبئة العامة ضد الزبراطة, وللي ما يعرفش العوني موش لازم عليه يعرفو, ينجم ياخو القضية مالمونوبري ولاّ من المارشي نوار,,نوار معناتها أكحل موش الورد, قدّاش تحبلكم وسع بال...
سي المنتحر الحي زندعها, و قال راهو مازال ماخذاش غرضو و يحب يزيد يصوروه في آخر لحضات حياتو يلقي خطاب يعلن فيه برشة حوايج... حوايج هوني موش دبش... قعدو في دورة الساعتين و هوما يستنّاو في الكاميرا حتى تجي.. الإخوة المسلمين وعلي راسهم المندوب متاعهم قالهم لازم هوما يلقنو المنتحر الحي اش باش يقول, على خاطر هوما مستانسين على امور كيما نهاذي ... الكومينست بقيادة الرفيق مندوبوف رفض...هوا لو كان تجي ترا ديما يرفض و عندو الحق, كلمة لا ما تجيب بلا.
الجماعة الكل طاحت تلوم في بعضها..هاكي هيا العريبة..سي المنتحر الحي غزرلهم و قاللهم أنو اذا واصلو إيل سرا أبليجاى باش يلغى العملية متاعو, و هوني شعلت,
Aucun commentaire:
Enregistrer un commentaire